Kuvendi Komunal mbajti mbledhjen e parë të rregullt për vitin 2013
Të pranishëm në këtë mbledhje përveç anëtarëve të K.K-së ishin edhe Kryetari i Komunës z.Bajrush Ymeri,Drejtor të Drejtorive,Përfaqësuesi i OSBE-së z.Edmond Hyseni,Përfaqësuesja e USAID-it Projektit DEMI zonj.Laura Bahtiri,përfaqësues të KFOR-it si dhe zyrtar të tjerë komunal,mbledhjen e hapi Kryesuesja e Kuvendit Komunal zonj.Shefkije Mehmeti.
Pas aprovimit të procesverbalit fjalën e mori Kryetari i Komunës z.Bajrush Ymeri ku pasi përshendeti të pranishmit tha ashtu siç e parasheh Ligji për Vetëqeverisje Lokale dhe Statuti Komunal që kryetari i komunës të raportojë para kuvendit dy herë në vit po paraqesë para jush raportin e gjashtëmujorit të dytë të vitit 2012.
Edhe këtë gjashtëmujor jemi marrë me aktivitete që kanë të bëjnë me shërbime më të mira për qytetarët tanë e po ashtu edhe në realizimin e shumë projekteve.
Kam mbajt takime të rregullta me këshillin e drejtorëve dhe zyrtarët tjerë komunal në mënyrë që në kontinuitet të jem të njoftuar edhe me zhvillimet në komunë por edhe diskutime për kahjet e zhvillimit të komunës dhe me aktivitete të përditshme të punës.
Kreu i komunës tha se po ashtu kam vazhduar të kem pritje për qytetarët tanë çdo të mërkure prej orës 13:00 e deri në ora 15:00 e gjithashtu takime kam pas edhe në teren sipas kërkesës së qytetarëve tanë.
Kem zhvilluar shumë e shumë takime të ndryshme siç janë:Dy debate me qytetarë të cilat i kam obligative me Ligjin për Vetëqeverisje Lokale,Debate të ndryshme publike për hartimin e buxhetit komunal,Debate te ndryshme për hartimin e Planeve Zhvillimore Komunale që u mbështeten tërë kohën nga LOGOS-i,Kem aprovuar planin strategjik për zhvillimin kulturor të Komunës së Novobërdës,Mbajtëm manifestimin ditët e diasporës,Nënshkruam marrëveshje për kalimin e zjarrfikësve ne kuadër të MPB-së,Organizuam punëtori me USAID/DEMI-n për të hyrat vetanake,Punëtori me ECMI-n në Durrës për zhvillimin Ekonomik,Ndamë makina mjelëse për fermerët tanë,Novobërda ishte nikoqire e konferencës së tretë vjetore ndërkombëtare mbi vetëqeverisjen lokale,Pjesëmarrja në panairin e komunave në kuadër të kësaj konference të tretë ndërkombëtare mbi vetëqeverisjen lokale,Në organizim të OSBE-së u mbajt takimi dita ndërkombëtare e demokracisë në të cilin takim morën pjesë shumë të rinjë nga mbarë Kosova,Ndërtuam shtëpi për raste sociale dhe një prej tyre u ndërtua si donacion nga bashkatdhetarët tanë që gjenden në Zvicër,Me OSBE-në mbajtëm takimin për të njoftuar qytetarët me rregulloren dhe hapat që do të ndërmerren për bashkëpunimin me fshatra,vendbanime dhe lagje urbane.
Në kuadër të këtij raporti Kryetari z.Ymeri shprehi dhe shumë aktivitete të cilat janë zhvilluar në Komunën e Novobërdës “Vlenë të theksohet se ne kem vazhduar edhe më tutje bashkëpunimin e mirë që e kemi me nivelin qendror e më konkretisht me Ministritë e Qeverisë së Republikës së Kosovës dhe me organizatat ndërkombëtare që veprojnë në kuadër të komunës siç janë zyra e BE-s në Kosovë,USAID-i përmes programit DEMI,LOGOS-i Zviceran,ECMI-Kosova,GIZ-i Gjerman,OSBE-ja si dhe KFOR-i zyra e LMT-së në Novobërdë” u shprehë z.Ymeri.
Në këtë mbledhje u morën vendime për formimin e anëtarëve të KKSB-së,Plotësimin dhe ndryshimin e rregullores së punës së Kuvendit,Formimi e komisionit, Aprovimin e raportit të Drejtorisë së Arsimit për përfundimin e gjysmëvjetorit të parë të vitit shkollor 2012/2013 dhe fillimin e gjysëmvjetorit të dytë, Aprovimi i raportit financiar për tremujorin e katërt të vitit fiskal 2012,si dhe vendim për projekte kapitale nga donatorët;
Ndërtimi i trotuarit Pasjak 30.000,00 €,nga USAID-i si dhe
Renovimi i shkollave,vlera e projektit 39.000 € nga LOGOS-i Zviceran me particimin nga Komuna prej 30%.
