NJOFTIM PUBLIK-DREJTORIA E URBANIZMIT,KADASTËR DHE MBROJTJE TË MJEDISIT
NJOFTIM PUBLIK
Të nderuar qytetarë të Komunës së Novobërdë, ju njoftojmë se, Komuna e Novobërdës, në mbështetje të Projektit Zvicër –Kosovë për qeverisje lokale dhe decentralizim LOGOS, është duke punuar në hartimin e Planit Zhvillimor Komunal , i cili përcakton të ardhmen e zhvillimit ekonomik, infrastrukturës, shfrytëzimin e tokës dhe mjedisit si dhe çështjeve demografike dhe sociale të Komunës së Novobërdës.
Plani Zhvillimor Komunal për Komunën e Novobërdës, është dokumenti më i rëndësishëm i komunës që përcakton kahet e zhvillimit të saj në 10 deri 15 vitet e ardhshme, andaj pjesëmarrja e qytetarëve në hartimin e këtij dokumenti ka një rëndësi të veçantë që Plani Zhvillimor Komunal të jetë në përputhje me interesat e tyre.
Prandaj, përfaqësues të partive politike, organizatave dhe shoqatave jo qeveritare, profesorë dhe arsimtarë, afaristë, artistë, fermerë, sportistë,përfaqësuese të shoqatave të grave si dhe ju qytetarë të tjerë nderuar, ju ftojmë, që të jeni pjesë aktive e debatit publik për hartimin e Planit Zhvillimor Komunal për Komunën e Novobërdës që mbahet më: 09.10.2102, me fillim në ora : 09.30h , në lokalet e restorant : “Lura ”, në Makresh të Epërm.
Pjesëmarrja dhe kontributi i juaj në debat është me një domethënie të veçantë për të ardhmen e komunës, andaj, Ju mirëpresim!
Ky debat organizohet në mbështetje të projektit : LOGOS
Në bashkëpunim me :
Institutin për Shkencë dhe Teknologji
