Qendra Rajonale e OSBE-së organizon vizitë studimore për zyrtarët e komunave
Sot më 25 Shtator, Qendra Rajonale e OSBE-së organizon një vizitë studimore përmes shkëmbimit të përvojave më të mira në komunën e Gjilanit me zyrtarët komunal nga Gjilani, Hani i Elezit, Novobërda dhe Ranillugut.
Ky aktivitet është pjesë e projektit të OSBE-së “Përkrahja në shkëmbimin e përvojave më të mira në mes të zyrtarëve të të njëjtit nivel të komunave nga Rajoni i Gjilanit”. Vizita studimore është aktivitet përcjellës i punëtorisë së mbajtur në qershor 2012 mbi prezantimin e përvojave më të mira nga zyrtarët e komunave të rajonit të Gjilanit.
Çështjet e identifikuara gjatë prezantimit është siguruar një informacion nga dora e parë për komunat e interesuar për vizitë studimore. Komuna e Gjilanit, respektivisht zyrtari për punët e kuvendit komunal, ka përgatitur rendin e ditës për vizitë, ka siguruar përkthimin, ka identifikuar vendin për diskutim lidhje me përgatitjet dhe zhvillimet e mbledhjeve të kuvendeve komunale dhe komiteteve, publikimi i punës së kuvendeve komunale dhe komunikimi brenda komunës.
Vizita studimore është perceptuar shumë mirë nga pjesëmarrësit të cilët të vyejtën kohë kanë falënderuar OSBE-së për iniciativat e tilla në të cilat kolegët nga zyrat e njëjta mund të mësojnë shumë më mirë nga njëri tjetri përmes shkëmbimit të përvojave më të mira.
