Ne fshatin Bolevc u be perurimi i shkolles se re dhe një hapësirë për ambulancë të fshatit
Kryetari i Komunës së Novobërdës z.Bajrush Ymeri së bashku me Drejtorin e DAK-ut z.Adem Abazi,Kryesuesen e Kuvendit zonj.Shefkije Mehmeti dhe Shefen e Zyres Komunale për Komunitete dhe Kthim zonj.Jasmina Deniq morën pjesë në ceremonin e përurimit të shkollës së re të fshatit Bolevc fshatë ky i cili me procesin e decentralizimit ka kaluar nga Komuna e Kamenices ne Komunene e Novobërdës.
Me këtë rast në praninë e qytetarëve,prindërve,arsimtarëve dhe nxënësve të këtij fshati i cili është i populluar me banorë të komunitetit serb,Kryetari i Komunës përshëndeti të pranishmit,i falemnderojë për pjesëmarrje dhe njëkohësisht ju urojë të gjithëve shkollën e re.
,,Qytetarë të nderuar,ju me vizituat mua para nje viti e gjysmë me kerkesen qe unë të ju vizitojë dhe ne vizituam fshatin e juaj dhe fatëkeqësisht mezi erdhëm deri te ju sepse rruga kishte qenë e pa kalueshme,ne e rregulluam atë dhe sot rruga e gjatë 8 kilometra nuk paraqet më problem për ju.Gjatë kësaj vizite ne pamë që edhe shkolla dhe ambulanca që ishin në të njejtin objekt ishin para shkatërrimit.Kjo ishte shumë shqetësuese për ne dhe natyrisht ne vepruam shpejt dhe ju sot keni edhe shkollën e re e po ashtu edhe hapësirën për kontrollë mjekësore.Urojë ti gëzoni këto të mira së bashku me shkollën e re dhe që nga kjo vatër diturie të dalin vazhdimisht nxënës të mirë që nesër mund të japin kontributin e tyre në komunën ku ata gravitojnë” u shpreh kryetari Ymeri.
Edhe drejtori i Arsimit i përshëndeti të pranishmit dhe me këtë rast tha,,Nuk ka qenë e lehtë për ne të ndërtojmë shkollë me buxhetin tonë të vogël që e kemi por ne ishim të vendosur dhe e ndërtuam.Ju do ta keni përkrahjen tonë gjithmonë dhe kurdoherë që ju keni nevojë ne do të jemi me ju”.Shefja e zyres Komunale për komunitete dhe kthim përshëndeti të pranishmit me urimet më të mira për nxënësit dhe fillimin e këtij viti mësimor me kërkesën që të bëjnë apel te qytetarët që janë shpërngulur të kthehen”.Pjesëmarrës në këtë ceremoni ishin edhe ushtarë të KFOR-it Amerikan,respektivisht pjesëtarët e LMT-is zyra në Novobërdë të cilët me këtë rast shpërndanë fletore për nxënësit e kësaj shkolle.
Falemnderimet e tij në emër të banorëve,nxënësve dhe arsimtarëve i shprehi mësuesi i kësaj shkolle z.Negovan Vasiq i cili më këtë rast tha,,Dëshirojë të ju falemnderojë kryetarin, drejtorin, KFOR-in dhe të gjithë ata që na kanë ndihmuar në ndërtimin e kësaj shkolle dhe hapësirës për ambulancë.Me të vertëtë ne kem pas nevojë për këto investime dhe ju jemi mirënjohës.Unë ju urojë mirëseardhje në këtë ceremoni dhe ju falmenderojë edhe një herë.”.Më pas kjo ceremoni u përmbyllë me një koktej që me kënaqësi ishte përgatitë nga banorët e fshatit.
