Zyrtarët komunal të Novobërdës kanë filluar të ndjekin kursin dy gjuhësor shqip-serbisht, projekt ky i përkrahur nga ECMI Kosova(Qendra Evropiane për Çështje të Minoriteteve).
Zyrtarët komunal në Novobërdë si shqiptarë ashtu edhe ata serb do të kenë mundësi që të komunikojnë me njëri tjetrin, pasi ata do të ndjekin një kurs dy gjuhësor shqip serbisht dhe anasjelltas. Ky projekt i përkrahur nga ECMI Kosova është mirëpritur nga Bajrush Ymeri kryetar i Novobërdës i cili edhe i ka vizituar kursistët.
“Ne kemi nënshkruar marrëveshjen me ECMI Kosova për kurse të gjuhës shqipe dhe të asaj serbe sepse, komuna jonë është komunë multietnike, dhe se është shumë e nevojshme të kemi një komunikim të mirë dhe të qartë në punë,Ju keni për çdo ditë punë me palë dhe është mirë qe ne të dimë gjuhën e njëri tjetrit në mënyrë që komunkimi të jetë më i lehtë.Kursi i gjuhëve është i nevojshëm për të gjithë ju e sidomos ky kurs më së shumti do t`i ndihmoj punëtorët nga komuniteti serbë meqë atyre u duhet komunikimi me ministritë e ndryshme. Ymeri ka falënderuar organizatën ECMI Kosova për këtë angazhim që po e bënë për komunën e Novobërdës.
Ndërsa menaxherja e projekti Andera Najvirtova tha se ky projekt do të realizohet në tri komuna,dhe do t`i ndihmoj të gjithë zyrtarët komunal të kenë komunikim të mirë.”Unë vij nga Sllovakia dhe se kur e kam mësuar gjuhën shqipe, në fillim më është dukur shumë vështir, por i`a dola me lehtësi,edhe për të gjithë juve fillimi do jetë i vështirë, por do t`ia dilini me përkushtimin tuaj” i porositi ajo kursistët shqiptarë e serb.
