U mbajt Kampanja “Drejtësia dhe Qytetarët”
Përfaqësues të Këshillit Gjyqësor të Kosovës, Gjykatës Komunale, Zyrës Shtetërorë të Prokurorisë, Ata të këshillit lokal për siguri në komunitete dhe qytetar të Komunës së Novobërdës kanë marë pjesë në punëtorinë për Informim Publik lidhur me “Mekanizmat e ankesave për sistemin e drejtësisë të cilat janë në dispozicion për qytetarët.
Punëtoria u zhvillua në dy pjesë,ku në pjesën e parë panelistët që në këtë rast përfaqësonin institucionet gjyqësore dhe ato që kanë të bëjnë me drejtësinë kanë prezantuar punët dhe detyrat e punës që kryen secili institucion.
Kjo punëtori kishte për qëllim të informoj të gjithë qytetarët për mekanizmat e ankesave në sistemin e drejtësisë për: gjyqtarë,prokurorët,policinë,dhe avokatët.
Pjesëmarrës në këtë Kampanjë ishte dhe Kryetari i Komunës z.Bajrush Ymeri i cili përshëndeti të pranishmit si dhe i falënderoi shumë që kanë përzgjedhë dhe Komunën e Novobërdës për të debatuar rreth kësaj Kampanje “Drejtësia dhe Qytetarët”.
Një çështje shumë të ndishme për çështjen e drejtësisë,fatkeqësisht drejtësia është një prej lëmive që ka mbetur anash për 13 vite pas luftës,që nuk është punuar mjaftë dhe një herit gjendet në pozitë të vështirë.
Qytetarët janë të mllefosur se shumë lëndë janë grumbulluar dhe nuk janë shqyrtuar,kjo po ndihmon,shërben edhe në njerëz keqbërës që të bëjnë vepra të ndryshme e të mos marrin dënimin e merituar.
Shpresoj që institucionet tona do të kenë përkushtim më të madh që të ndihmojnë në këtë çështjen mënyre që qytetarët ta ndijnë vetën më të lirë theksoi Kryetari z.Ymeri.
Pjesëmarrësit patën mundësinë që të parashtrojnë pyetjet e tyre ,të cilat kishin të bënin me ankesat të ndryshme kryesisht rreth gjykatës,shumica e pyetjeve të qytetarëve kishin të bënin me mos shqyrtimin e shpejtë të lëndëve gjyqësore.
Për qytetarët e pranishëm u shpërndan broshura të cilat ofronin informata për të drejta ligjore dhe resurse që janë në dispozicion për viktimat e dhunës në familje ku këto broshura mund ti shkarkoni më poshtë.
Të Drejtat e Viktimave të Dhunës në Familje
Si të Parashtroni Ankesë Kundër një Gjyqtari apo Gjyqtari Porotë
Si të Parashtroni Ankesë Kundër një Punonjësi të Policisë së Kosovës
Si të Parashtroni Ankesë Kundër një Avokati
Si të Parashtroni Ankesë Kundër një Prokurori
