Kryetari i Komunës së Novobërdës z.Bajrush Ymeri së bashku me Drejtorin e Shërbimeve Publike z.Sami Vllasaliu priten sot ne nje takim zjarrëfikësit e Komunës së Novobërdës
Me këtë rast Kryetari Ymeri falemnderoi perzemersisht zjarrëfikësit:Luan Llapashtica,Ivan Ristiq,Avdi Hasimi,Bojan Stojanoviq,Azem Vllasaliu,Milos Vasiq,Hafiz Zeqiri dhe Sinisha Stankoviq të cilët këtë vitë janë përballur me zjarre jo vetëm në teritorin e Komunës së Novobërdës por edhe të komunave fqinje.
,,Të nderuar zjarrëfikës ju jeni krenaria jonë sepse këtë vitë keni bërë vepra të mëdha duke u përballë me zjarre deri në orë të hershme të mëngjesi.Unë kam qenë dëshmitarë dhe kam pa për së afërmi punën e juaj dhe mund të them se mburrem me përgatitjen,vullnetin dhe forcën e juaj për ti bërë ballë gjithë asaj situate të jashtëzakonshme me të cilën jeni përballë Ju.
Ka qenë e papërballueshme situata me të cilën jemi ballafaqu karshi një tereni aq të gjerë me 204 km² me gjithësejt 8(tetë) zjarrëfikës.Ju meritoni respekt dhe këtë do ta keni,ju meritoni përkrahje dhe këtë po ashtu do ta keni nga se ju shpëtuat malet tona,ju shpëtuat edhe objekte tjera banimi pa u përfshi nga flakët e zjarreve të cilat ishin të shumta këtë verë. Me veprat,punën,dhe angazhimin tuaj na keni bërë të gjith neve të ndihemi krenar që ju kemi si ekip.Me këtë rast dëshirojë të ju ndaj nga një mirënjohje dhe nga një dhuratë që janë vlerë simbolike krahas punës së palodhshme që keni bërë ju.Unë ju dëshirojë shëndet dhe suksese në jetë dhe punën e Juaj”tha ndër të tjera Kryetari Ymeri.
Zjarrëfikësit I përshendeti edhe drejtori Sami Vllasaliu dhe ju urojë punë të mbarë dhe që vitin tjeter të kemi sa më pak zjarre.
Në emër të zjarrëfikësve fjalën e mori z.Luan Llapashtica përgjegjes I ekipit të zjarrëfikësve I cili falemnderoi Kryetarin dhe Drejtorin për kujdesin e treguar ndaj tyre dhe se ky do të jetë motiv shtesë për ne zjarrëfikësit që të angazhohemi fuqimisht në punën tonë.
