Kryetari i Komunës z.Bajrush Ymeri mori pjesë në dy takime jashtë vendit nga data 08 deri më 16 shtator 2011.Fillimisht ai qëndroi në Neum të Bosnjës dhe Hercegovinës ku mori pjesë në sesionin e tretë të shkollës për demokraci lokale të organizuar nga Këshilli i Evropës.
Ky takim u mbajt nga data 8 e deri më 11 shtator ndërsa me 11 shtator Kryetari Ymeri vazhdoi vizitën edhe në Pragë të Republikës së Çekisë.Kjo vizitë u organizua si rezultat i vizitës para një muaji të përfaqësuesve të organizatës Czech Invent.Në përbërje të delagacionit ishin zyrtarë si:Kryetar të komunave,përfaqësues nga universiteti UBT,zyrtarë nga Agjensionet zhvillimore,Përfaqësues të AKP,agjensioni per promovimin e investimeve etj.
Me këtë rast përveq Pragës u vizituan edhe dy qytete të tjera të Republikës së Çekisë.Gjatë kësaj vizite ishte interesimi për të parë më për së afërmi se si janë themeluar dhe si funksionojnë zonat ekonomike.Po ashtu u vizituan edhe inkubatorë të bizneseve ,agjensione zhvillimore dhe investitorë Çekë.
Quality Kosova organizoi vizitë dhe promovim të investimeve të huaja në Kosovë në Republikën e Çekisë
“Quality Kosova” nga Prishtina në bashkëpunim me “Czech INVENT” nga Praga,Republika Ceke , për disa ditë më radhë qëndruan për vizitë studimore në Prage, kryeqendrën e Republikës së Çekisë.
Vizita ka qenë e organizuar në mënyrë që ti përmbushin kërkesat të cilat janë paraqitur gjatë punetorive te mbajtura ne Kosovë në kuadër të projektit për: përmirësimi e klimës së investimeve dhe ndërmarrësisë në Kosovë, të organizuara nga “Czech INVENT” dhe “Quality Kosova”, së bashku me partnerët e projektit qe jane mbajtura në UBT.
Gjithashtu gjatë vizitës studimore janë vizituar Zona Industriale, parqet industrial dhe teknologjike, parku industrial në Pardubice dhe Pilsen dhe inkubatorët e biznesit në Pardubice dhe Pragë, u organizuan edhe takime me zyrtarët rajonale po të këtyre qyteteve . Po ashtu është bërë promovimi i ofertave investive në Kosovë nga Zyrat Zhvillimore Rajonale të Kosovës dhe agjencionet: APIK, AMNVM dhe AKP para invesitorve potencial çek në Oden Ekonomike Ndërkombëtare të Çekisë.Ne delegacion nga Kosova merrnin pjese kryetar te komunave (Ferizaj, Lipjan, Novobrde) përfaqësues të Agjencionit për Promovimin e Investimeve në Kosovë-APIK, të Agjencionit për Zhvillimin e Ndërmarrjeve të vogla dhe te mesme të Kosovës AMNVM , të Agjencionit për Privatizimin e Kosovës AKP, Agjencionet Rajonale Zhvillimore-AZHR si dhe Universiteti për Biznes dhe Teknologji-UBT, gjegjësisht “Quality Kosova”.Ky organizim u bë bashkëpunim me partnerin nga Republika Çeke “Czech INVENT” kurse është mbështetur nga Ministria e Punëve të Jashtme të Republikës së Çekisë, SOROS- Zyra në Pragë dhe në Prishtinë dhe Universiteti për Biznes dhe Teknologji (UBT).
Po ashtu në kuadër projekti për “Përmirësimi i klimës së investimeve dhe ndërmarrësisë në Kosovë”, për disa muaj me radhë janë zhvilluar punetori të njëpasnjëshme në UBT po ashtu është organizuar edhe vizita studimore nëpër komunat e Kosovës si në Prishtinë, Mitrovicë, Pejë, Gjakovë, Prizren, Gjilan, Novobërdë, Shtime, etj , ku partnerët e projektit patën mundësi që për së afërmi t’i identifikojnë nevojat dhe kërkesat për përmirësimin e klimës së investimeve të huaja.
“Pjesmarrësit në vizitën studimore janë nda shumë të kënaqur me programin që ka ofruar “Quality Kosova” dhe “Czech INVENT”, dhe shpresojmë që këto aktivitete të vazhdojnë edhe në vitin e ardhshëm, në projekte të natyrës së ngjajshme”, tha koordinatori i projektit, Lulzim Beqiri.
Pas vizitës si pjesë finale e projektit do të organizohet edhe një konference ku do diskutohet rreth krijimit të strategjive për përmirësimin e klimës së ndërrmarrësisë dhe investimeve të huaja në Kosovë dhe do të organizohet edhe një punëtori e cila do ti ndihmoj pjesëmarrësve në krijimin e materialeve promovuese për rajonet e tyre.
Për më shumë detaje rreth vizitës në fjalë klikone linkun e mëposhtëm,
