Kryetari i Komunës së Novobërdës z.Bajrush Ymeri, priti në takim sot z. Almir Hyseni, Drejtor Ekzekutiv dhe Znj. Valbona Tahiri, Menaxhere e Projejkteve nga AZHR Lindje
Ne takim janë dhënë shpjegime në lidhje me procedimin e metejme për këtë projekt dhe një ndër to është edhe konfirmimi nga Ministria perkatëse, gjegjësisht Ministria e Kulturës, Rinisë dhe Sportit si dhe një Memorandum i Bashkepunimit (MoU) ndermjet Komisionit Evropian, IOM dhe Ministris për Punë dhe Mirëqenie Sociale.
Ekipi i AZHR Lindje ka perkrahur komunat e rajonit ekonomik lindje në identifikimin e projekteve në linje me Strategjinë e Zhvillimit Rajonal si dhe me qëllim të ngritjes së kualitetit të projekt propozimeve për programin “Kosova e Bukur”.
Përfaqësuesit e AZHR Lindje njoftuan kryetarin për aktivitetet e planifikuara të rëndësishme si vizita e delegacionit Italian dhe takimi i radhes i Bordit që do të ndodhin në muajin shtator.
Synimi i projektit të BE-së “Beautiful Kosovo” (EU-BK) është të bëhet identifikimi i projekteve të vogla dhe të mesme nëpër komuna, të cilat synojnë krjimin e vendeve të punës, posaçërsisht për të rinj dhe grupet e margjinalizuara dhe do të rezultojnë me infrastrukturë urbane. Zyra Ndërlidhëse e Komisionit Evropian në qershor të vitit 2011 ka shpallur raundin e parë të Ftesave për Propozime (FpP) për komuna.
