Kryetari i Komunës së Novobërdës z.Bajrush Ymeri priti në takim sot zyrtarët e OSBE-së zyra në Novobërdë
Qëllimi i këtij takimi ishte diskutimi i disa qështjeve siq janë: situata e sigurisë në komunën e Novobërdës, veçanërisht u diskutua rreth incidentit të fundit i cili ka ndodhur ku janë dëmtuar varrezat e nje lagjeje në fsh.Parallovë,pastaj u diskutua edhe për zyrën lokale për komunitete dhe qeshje te tjera që kanë të bëjnë me komunitetet. Zyrtaret e OSBE-së potencuan rëndësinë e themelimit të Këshillit Komunal për Sigurisë në Bashkësi, ku rastet e tilla mund të diskutohen, dhe të zgjidhen përmes këtij këshilli i cili do të jetë i përbërë nga zyrtar komunal, përfaqësues të policisë, përfaqësues të të gjitha bashkësive.
Sa i përket Këshillit Komunal për Siguri në Bashkësi, Kryetari i informoi zyrtarët e OSBE-së se ky këshill ka qenë i themeluar dhe shumë funksional të kaluarën, të gjitha këto takime të këshillit kanë qenë të udhëhequra nga vet kryetari dhe është diskutuar për shumë çështje lidhur me situatën e sigurisë në komunë.Ne kemi qenë shembull për të mirë me funksionimin e këtij këshilli por pas zgjerimit të komunës me procesin e decentralizimit ka lind nevoja që ky këshillë të ristrukturohet.
Kryetari Ymeri premtoi se prej muajit shtator ky këshillë do të themelohet dhe do të funksionoj ashtu si duhet, ndërsa sa i përket incidentit në fshatin Parallovë, kryetari i njoftoi zyrtarët e OSBE-së se ai ishte njoftuar me dëmtimin e varrezave dhe ka dale në vendin e ngjarjes. Kryetari potencoi se në atë lagje është ndërtuar një rrugë për të cilën ne nuk kemi qenë në dijeni se kush e ka ndërtuar.Neve na habitë fakti se si qytetarët nuk na kan lajmëruar.Ne së bashku me policinë kem ra në kontakt me kompaninë që ka punuar rrugën dhe kem kërkuar që ta sanojnë vendin afër varrezave, ndërsa për dëmet të cilat i janë bërë varrezave rrëzimi i disa gurëve të varrezave, Kryetari tha se me këtë rast është e njoftuar Policia dhe ata janë duke u marrë me hetimin e rastit.
”Ne për çdo ditë po punojmë mjaft dhe po ashtu po realizojmë edhe projekte të ndryshme në mënyrë që të afrojmë komunitetet në mes veti për krijim të një bashkëjetese më të mirë.Fatkeqësisht ka ende njerëz që mendojn dhe veprojnë keq,por ne shpresojmë që do të kemi sa ma pak gjëra të tilla.Për ne edhe incidenti më i vogël do të thotë shumë sepse ne nuk jemi mësuar që në komunën tonë të ndodhin probleme sepse jemi një komunë e qetë dhe kemi bashkëpunim të mirë në mes vete ”tha Kryetari Ymeri.
