Novobërda hap procesin e dëgjimit publik të buxhetit për vitin 2012 Në përkrahje të projektit Zvicër – Kosovë për qeverisje lokale dhe decentralizim,LOGOS si dhe në bashkëpunim me Komunën e Novobërdës, është organizuar takimi i parë publik për dëgjimin e buxhetit komunal për vitin 2012.
Kryetari i komunës së Novobërdës, Bajrush Ymeri, ka thënë se dëgjimi publik i buxhetit komunal ka një rëndësi të veçantë për komunën dhe se ky takim ku krahas zyrtarëve komunal marrin pjesë edhe përfaqësues të këshillave të fshatrave, është një rast i mirë që komuna në bashkëpunim me këshillat e fshatrave të hartojnë një buxhet që është në interes të përmbushjes së nevojave të qytetarëve . “Këto lloj takime janë diçka e re për komunën e Novobërdës, pasi komuna ka mundësi të diskutoi drejtpërdrejtë me qytetarët për çështjet që janë me interes siç është buxheti komunal”, ka thënë Ymeri.
Ndërsa, Mentor Rexhepi, zyrtar i projektit LOGOS, është shprehur se ky projekt, krahas mbështetjes që i jep komunës së Novobërdës për planifikimi e buxhetit komunal me pjesëmarrje të qytetarëve, ndihmon këtë komunë edhe në projekte tjera si në atë për hartimin e planit zhvillimor komunal dhe urban, ngitjen e kapaciteteve të zyrës për informim publik , projekte të infrastrukturës dhe në fusha tjera ku komuna ka nevojë. “Planifikimi i buxhetit me pjesëmarrje të qytetarëve është një proces me rëndësi dhe për këtë LOGOS do të jetë afër komunës në gjithë procesin duke i asistuar asaj përmes zyrës së informimit public në organizmin e takimeve publike me qytetarë , informim të qytetarëve për shpenzimet e buxhetit të këtij viti dhe në fusha tjera”, ka thënë Rexhepi. Kurse drejtori i drejtorisë për buxhet dhe financa.
Gani Mustafa, ka thënë se në bazë të qarkores buxhetore nga MEF-I komuna e Novobërdës, duhet të planifikoi një buxhet prej 2 milion e 279 mijë euro. Por kjo komunë bazuar në nevojat që ka planifikon që ky buxhet i propozuar të jetë për rreth 154 mijë euro më i lartë. Ndërsa Ramush Mehmeti, përfaqësues i fshatit Llabajan, ka thënë se procesi i dëgjimit të buxhetit me qytetarë është një proces që informon qytetarët rreth shpenzimet dhe planifikimin e buxhetit, prandaj ky aktivitet që për herë të parë po bëhet në Novobërd, ka mbështetje edhe të subjekteve politike , këshillave të fshatrave dhe mekanizmave tjerë. Përfaqësuesit e fshatrave në këtë takim nxjerrën prioritet për investime kapitale që duhet të përfshihen në buxhetin 2012 si dhe shprehën gatishmërinë që së bashku me qytetarët tjerë të hartojnë listat për projektet prioritare në vendbanimet e tyre.
