Gjakovë 21-22 mars

Takimi i radhës me Grupet Punuese për Hartimin e Planeve Zhvillimore Komunale  

Përfaqësues të institucioneve komunale, shoqërisë civile dhe të fshatrave të komunës së Novobërdës, kanë marrë pjesë në një punëtori dy ditore të organizuar në Gjakovë, për vizionimin e planit zhvillimor komunal dhe urban.

Bajrush Ymeri, kryetar i komunës, ka thënë se vetë pjesëmarrja aktive e përfaqësuesve të institucioneve dhe shoqërisë civile në këtë dhe punëtoritë tjera që organizohen me qëllim të hartimin e planit zhvillimor komunal dhe urban, tregon seriozitetin me të cilin ju kemi qasë hartimit të këtyre dokumenteve shumë të rëndësishme për të ardhmen e komunës. “Këto plane varen nga pjesëmarrja aktive e të gjithë mekanizmave aktiv në komunë, pasi planet duhet të jenë të përshtashme për çdo shtresë në mënyrë që më lehtë të implementohen”, ka thënë Ymeri.
Skender Avdyli Drejtor i Urbanizmit dhe Kadastrit njëkohësishtë dhe Kordinator i grupeve punuese thot se po punohët për fazën e dytë të projektit rreth vizionimit komunal në Hartimin e Planeve Zhvillimore dhe ndihet i kënaqur për punën dhe angazhimin e arritur deri më tani nga grupet punuese.

Ndërsa Norbert Piljs, koordinator i projektit LLOGOS, ka thënë se përfshirja e shoqërisë civile në hartimin e këtyre planeve është me rëndësi të madhe prandaj kjo punëtori ku aktivisht janë të angazhuar përfaqësuesit e institucioneve , partive politike dhe shoqërisë civile, ka një rëndësi për hapat e mëtutjeshëm në hartimin e planeve për komunën e Novobërdës.”Besoi se me këtë pjesëmarrje Novobërda në këtë punëtori do të ndërtoi një vizion i cili do të jetë i përshtashëm për planin zhvillimor komunal dhe urban”, ka thënë Piljs.

Kurse , Nazmi Siarina,përfaqësues i PDK-së në ekipet punuese, ka theksuar se vetë rëndësia e këtij dokumenti për të ardhmen e komunës së Novobërdës, ka bërë që partia që përfaqson të mbështresë fuqishëm aktivitetet që zhvillohen në drejtim të hartimit të këtyre dokumenteve. Njetë si Siarina janë shprehur edhe Ramush Mehmti nga AKR dhe Avdullah Gashi nga AAK, të cilët kanë vlerësuar lartë angazhimin e ekipeve punuese në hartimin e këtyre planeve si dhe kanë shprehur mbështetjen e subjekteve që përfaqësojnë në hartimin e planit zhvillimor komunal dhe urban. Ndërsa përfaqësuesi i komunitetit serb Petar Arsenijeviq, ka theksuar se plani zhvillimor komunal dhe urban ka rëndësi për gjitha komunitetet që jetojnë në Novobërd, pasi këto plane i ndihmojnë zhvillimit të komunës.

Hartimi i planit zhvillimor komunal dhe urban për Novobërd mbështetet nga Fondacioni Intercooperation, projekti LLOGOS që financohet nga qeveria zvicerane.