17 tetor 2010, Ohër- Maqedoni
Punëtori me përfaqësuesit e komunave të Anamoraves “Pjesëmarrja e Qytetarëve në hartimin e buxhetit dhe Politikave komunale”
Instituti Kosovar për Qeverisje Lokal dhe Klubi i Gazetarëve “D-PRESS” nga Kamenica e përkrahur nga Fondacioni Friedrih Erbert Stiftung ka organizuar punëtorinë me temë “Pjesëmarrja e Qytetarëve në Hartimin e Buxhetit dhe Politikave Komunale” me komunat Kamenicë, Ranilluk, Novobërdës dhe Kllokot.
Në këtë punëtori kanë marrë pjesë kryetarët e komunave Kryetari i Novobërdës z. Bajrush Ymeri z.Sasha Mirkoviq Kryetar i Komunes së Kllokotit,dhe z.Gradimir Mikic kryetar i Komunës së Ranillugu,përfaqësues të lartë nga komuna e Kamenicës dhe zyrtarët komunal që kanë përgjegjësi të drejtpërdrejtë vendimmarrëse në sferën e buxhetit dhe financave në komuna.
Në punëtori kanë marrë pjesë përfaqësues nga institucionet qendrore, organizatave Jo-qeveritare dhe nga komuniteti medial.
Temat e diskutuara në punëtori përfshinë rolin e të drejtave qytetare në fazat e aprovimit të buxhetit të komunave, duke përfshirë taksat komunale, tatimet mbi pronën dhe investimet e drejtpërdrejta.
Gjithashtu punëtoria me theks të veçante është fokusuar në diskutimin e përfaqësuesve komunal lidhur me rolin e mediave dhe shoqërisë civile në vendimet e komunave mbi shpenzimet e parasë publike.
Programi i kësaj punëtorie synon që të diskutojnë me përfaqësuesit e komunave pjesëmarrëse lidhur me forcimin e transparencës dhe llogaridhënies së autoriteteve komunale në raport me qytetarët dhe diskutimin rreth gjetjes mekanizmave më të favorshme të inkuadrimit të qytetarit në vendimmarrjen lokale.
Po ashtu, programi synon përfshirjen dhe diskutimin e drejtpërdrejte me kryetarët komunave të reja lidhur me përgjegjësitë ligjore që kanë komunat për të komunikuar me qytetarët si dhe diskutimin për format e bashkëpunimit me të gjithë akterët që ndihmojnë komunat në zhvillimin e transparencë.
