Kryetari i Komunës z.Bajrush Ymeri me bashpunëtorë priti në një takim zv.Ministrin e Forcës së Sigurisë së Kosovës z.Behgjet Brajshori me bashpunëtorë.
Pasi që Kryetari z.Ymeri njoftoi zv.Ministrin për situatën në Komunën e Novobërdës sidomos pas procesit të decentralizimit.Në komunën e Novobërdës punojnë së bashku punëtorë të të gjitha komuniteteve dhe raportet ndërnjerëzore janë në nivelin e kënaqshëm.
Kryetari po ashtu njoftoi zv.Ministrin për një numër të qytetarëve të cilët kanë konkuruar dhe janë pranuar në FSK-ë.
Më pas, zv.Ministri u ndërlidhë me fillimin e fushatës për rekrutimin e të rinjve, për t’u bërë pjesë e rezervës aktive. Z. Brajshori, u bëri thirrje të gjithë të rinjve të komunës së Novobërdës që të aplikojnë për ta veshur uniformën e FSK-së, e sidomos apeloi te të rejat dhe pjesëtarët e komuniteteve të kësaj komune, që të bëhen pjesë e rezervës së FSK-së. Z. Brajshori me këtë rast u ndërlidhë edhe me kushtet e konkursit, ku shpjegoi se konkursi do të zgjatë, deri më 22 tetor 2010. Ministria e FSK-së, përmes formave të ndryshme, si: spoteve televizive, që çdo ditë po i emitojnë televizionet, radiot dhe gazetat tona, shpërndarjes së fletushkave, po angazhohemi me qëllim, për sensibilizimin e sa më shumë të rinjve, që të aplikojnë në FSK. Gjithashtu kemi angazhuar edhe ekipet tona mobile, në çdo qytet, më qëllim, që të jemi sa më afër te të gjithë qytetarëve të Kosovës. Për këtë vit, është planifikuar që të rekrutohen 400 veta, pjesëtarë për formacionin rezervë, dhe të drejtë aplikimi kanë të gjithë qytetarët e Kosovës, të moshës 18-25 vjet, për nënoficerë dhe 18-30 vjet për oficerë, ku ai u bëri thirrje edhe pjesëtarëve të komuniteteve dhe të gjinisë femërore.
