Gjatë ditës së sotme Kryetari i Komunës së Novobërdës Svetisllav Ivanoviq priti në kabinetin e tij drejtoreshën e Policisë për regjionin e Gjilanit zo.Emine Mahmuti, zavendsin e Policisë për regjionin e Gjilanit z.Shaban Azizi , komandantin e stacionit Policor të Novobërdës z.Gani Huruglica dhe zavendsin e stacionit Policor të Novobërdës z.Nenad Stojanoviq.
Në këtë takim u bisedua në përgjithësi mbi gjendjen e sigurisë në territorin e Komunës së Novobërdës si dhe për planet dhe aktivitetet e mëtutjeshme për avancim.
Përfaqësuesit e Policisë informuan Kryetarin për gjendjen momentale në terren si dhe për planet në periudhën e ardhshme.
Gjithashtu në këtë takim janë marrë vesh që Komuna e Novobërdës së bashku me Drejtorin Regjionale të Policisë të ju dërgoj kërkesë Ministrisë së Punëve të Brendshme për ndërrimin e kategorisë së stacionit Policor në Novobërdë, nga kategoria C në kategorinë B.
Ndërrimi i kategorisë stacionit Policor të Novobërdës nënkupton përmirësimin e infrastrukturës tekniko-logjistike, numrin më të madh të personelit profesional si dhe numrin e automjeteve, theksoi Kryetari i Komunës së Novobërdës Svetisllav Ivanoviq.
