Sot, Shtabi për Situata Emergjente në Komun e Novobërdës mbajti mbledhjen, kryesuar nga Svetislav Ivanoviq, Kryetari i Komunës së Novobërdës. Tema e takimit ishte analizimi i situatës aktuale epidemiologjike në komunën e Novobërdës dhe planet që duhet të kontribuojnë në parandalimin, shtypjen dhe kapërcimin më të lehtë të
pandemisë COVID 19.
Kryetari i Komunës tha se Shtabi po monitoron me kujdes situatën e plotë epidemiologjike, dhe se duhet të veprojë në mënyrë parandaluese dhe në përputhje me rregulloret dhe rekomandimet e vlefshme të institucioneve kompetente. “Situata aktuale në komunën e Novobërdës është e qëndrueshme dhe na takon neve ta mbajmë atë, dhe ne mund ta bëjmë atë vetëm nëse të gjithë jemi shumë të përgjegjshëm,” shtoi Kryetari.
Takimi arriti në përfundimin se të gjitha masat e marra parandaluese duhet të respektohen në mënyrë rigoroze dhe përsëri u bën thirrje qytetarëve që, si më parë, të sillen me përgjegjësi, të mbajnë distancën e tyre, të mbajnë maska dhe të shmangin tubimet.
Publiku do të informohet për të gjitha takimet dhe procedurat e ardhshme të Shtabit në kohën e duhur përmes faqes zyrtare të internetit të Komunës së Novobërdës.
