Kryetari i Novobërdës Svetisllav Ivanoviq ka dënuar rastin më të ri të vjedhjes së bagëtisë në komunën e Novobërdës e cila ka ndodhur mbrëmë pas mesnate dhe ka apeluar te të gjitha institucionet që të parandalohen incidentet e tilla të cilat bartin edhe frik tek banorët.
Kryetari i komunës së Novobërdës theksoi se vjedhjet e shpeshtuara po i demoralizojnë njerëzit të cilët po merren me bujqësi, sepse frikohen se mos dikush do t’ua vjedh atë që kanë krijuar me punë të mundimshme.
Familjes Mustafa nga fshati Jasenovik në komunën e Novobërdës mbrëmë ju kanë vjedhur 5 viça në vlerë mbi 3 mijë euro.
Familja Mustafa ka gjithashtu edhe 9 lopë qumështore dhe janë përfitues të grandit nga Ministria e Bujqësisë për fermën e re ku në të cilën është dashur që pas përfundimit të vendosen viçat për majmëri.
Jemi të brengosur për vazhdimin e realizimit të projektit sepse projekti ynë duhet të pranohet nga ana e Ministrisë, theksoi Avdyl Mustafa.
