Kryetari z.Bajrush Ymeri niset në vizitë në SHBA
Kryetari i Komunës së Novobërdës z.Bajrush Ymeri, do të udhëtojë në një vizitë tri javore në SHBA. Para nisjes kryetari Ymeri falënderoi Ambasadën e SHBA-ve që i dha mundësinë që të jetë pjesëmarrës në programin për decentralizimin.
Bashkë me kryetarin Bajrush Ymeri në SHBA- udhëtojnë edhe disa kryetarë komunash në Kosovë.
Gjatë kësaj vizitë kryetarët do të kenë takime të rëndësishme në Uashington dhe shtete të tjera të SHBA-ve. Qëllimi i vizitës është që zyrtarët kosovarë të shohin nga afër funksionimin e pushtetit lokal dhe procesin e decentralizimit në SHBA.
Ata po ashtu do të marrin pjesë në punëtori që ka të bëjnë me çështjen e pakicave, qeverisjen transparente dhe bashkëpunimin.
“Është një rast i mirë për mua si kryetar i komunës të vizitojë SHBA-te dhe më për se afërmi te njihem me zhvillimet atje dhe po ashtu edhe me procesin e decentralizimit nëpër të cilin ka kaluar SHBA-ja. Do te jetë po ashtu një mundësi e mire qe gjatë kësaj vizite të shkëmbejmë përvojat tona me zyrtar amerikan në mënyrë që pastaj ato modele te mira ti sjellim dhe implementojmë në komunën tone. Po ashtu do te kem edhe një rast te mirë që këta zyrtarë ti njoftoj me për se afërmi me komunën time ne veçanti dhe Kosovën në përgjithësi.” ka deklaruar Kryetari Bajrush Ymeri.
Vizita do të zhvillohet nga data 8 deri më 28 maj ndërsa përveç Uashingtonit do të vizitohen edhe tetë shtete të tjera të SHBA-ve.
“ Do të vizitojmë shtete nga të gjitha anët e SHBA-ve, prandaj është një rast i mirë që të takojmë njerëz të kulturave të ndryshme dhe të promovojmë komunën tonë në të gjitha këto shtete” tha kryetari Ymeri.
