Organizata për siguri evropiane dhe bashkëpunim (OSBE), misioni në Kosovë, qendra regjionale në Gjilan, ka organizuar një punëtori komunale për protokoll, e destinuar për zyrtarët komunalë të cilët kanë qasje me publikun.
Punëtoria është mbajtur në qendrën regjionale të OSBE-së në Gjilan. Në trajnim kanë marrë pjesë zyrtarët për informim, asistentët e kryetarit dhe zyrtarët për marrëdhënie me publikun të komunave të rajonit të Gjilanit. Qëllimi i punëtorisë ishte që zyrës komunale për protokoll t’i sigurohen shkathtësitë e nevojshme, për të qenë e gatshme për vizita zyrtare dhe prezantime para publikut. Përmes kësaj punëtorie ishte e organizuar edhe puna në grupe.
Pjesëmarrësit ishin të ndarë në tri grupe: konferenca për rrethin (mbrojtja e ambientit jetësorë), konferenca donatore dhe konferenca për ujërat. Ata përmes këtyre tri trajnimeve paraqitën se si në mënyrën e tyre do të organizonin një prej këtyre konferencave.
Trajnimin e organizoi dhe e udhëhoqi drejtori i qendrës regjionale të OSBE-së në Gjilan z. Urlrich Biffar.
