Shefi i KE-së Kjartan Bjornson përfundon misionin në Kosovë me poriosinë për bashkpunim më të mirë ndërkomunal
Shefi për operacione i Zyrës Ndërlidhëse të Komisionit Evropian në Kosovës, Kjartan Bjornson, të martën ka viztuar Komunën e Novobërdës, ku pati një takim lamtumirës me kryetarët dhe udhëheqësit tjerë të komunave të sektorit të lindjes, si dhe ka promovuar projektet që komisioni evropian i ka fincuar në komunën e Novobërdës.
Ai fillimisht ka pas një takim me kryetarët e komunave të sektorit të lindjes ku i ka inkurajuar ata që të angazhohen në projekte që kanë të bëjnë me zhvillimin ekonomik si dhe krijimin e vendeve të reja të punës në komunat e tyre. Në takim me shefin e zyrës ndërlidhëse të KE-së Kjartan Bjornson kanë marr pjesë kryetarët e komunave Gjilan, Novobërdë,Viti si dhe nënkryetar të komunave Kamenicë, Ranilluk, Partesh, Shtërpce, Kllokot, Ferizaj, Kaçanik dhe Han i Elezit. Bjornson, në këtë takim ka thënë se sektori i lindjes , ka resurse të mëdha për zhvillimin ekonomik,dhe për këtë duhet të ngritet niveli i partneritetit dhe bashkpunimit mes komunave që i takojnë këtij sektori për të shfrytëzuar sa më mirë këto resurse. Ai ka thënë se ky sektor duhet të angazhohet në shfrytëzimin e resurseve sidomos ato për zhvillim të turizmit si dhe prodhimin e produkteve bujqësore , pasi Kosova ka kapacitete që këto produkte mos ti importoi por të ketë mjaftueshëm për vendin si dhe të eksportoi. Bjornson ka lavdëruar komunat e sektorit të lindjes për përfshirjen e komunave të dalura nga procesi I decentralizmit, në mesin e tyre duke potencuar se sektori i lindjes është një shembull i mirë i bashkpunimit mes komunave si dhe për përkrahjen e komunave të reja.
Kryetari i komunës së Novobërdës, Bajrush Ymeri, si mikëpritës i këtij takimi, ka theksuar se bashkpunimi mes komunave në sektorin e lindjes ka një rëndësi të veqantë sidomos për komunat e vogla apo të reja, pasi ky bashkpunim u ndihmon atyre për zhvillim më të hovshëm ekonomik. Ai ka theksuar se ‘’në ngritjen e nivelit të bashkpunimit mes këtyre komunave një rol të rëndësishëm ka luajtur Agjencia për Zhvillim Rajonal nga Sektori i Lindjes, e cila ka mbështetur iniciativat për partneritet të këtyre komunave’’. Ymeri ka theksuar se komuna e Novobërdës, është thellësisht e intersuar në avancimin e partneritetit rajonal, sepse vetëm si rajon i integruar dhe përmes një bashkpunimi përmbajtësor, do të mund të sigurohet që të arrijë objektivat për përmirësimin e jetës së qytetarëve, përmes një zhvillimi të qëndrueshëm ekonomik.
Kurse, Qemajl Mustafa, kryetar i komunës së Gjilanit, ka thënë se përmes AZHR-së është krijuar një strategji për zhvillimin ekonomik të rajonit dhe kjo strategji do të jetë udhërrëfyes për të ardhmën. Ai ka vlerësuar lartë ndihmën që KE-ja ka dhën në hartimin e kësaj strategjie si dhe në realizmin e projekteve të ndryshme për zhvillimin ekonomik të rajonit. Ndërsa , Nexhmedin Arifi, kryetar i Vitisë, ka theksuar se falë iniciativave të AZHR-së për bashkpunim mes komunave është fuqizuar angazhimi në secilën komunë për zhvillim ekonomik. Shefi i zyrës ndërlidhëse të KE-së Kjartan Bjornson,gjatë viztës në Novobërdë, ka promovuar dy projekte investive të financuara nga KE, projektin për promovimin e turizmit rural në Kalanë e Novobërdës si dhe atë të qendrës për zhvillimin e bizneseve. “Promovimi i qendrës për zhvillimin e turzimit rural në Novobërdë, është shembulli më i mirë për zhvillimin e komunës në të ardhmen, pasi përmes kësaj qendre po promovohet zhvillimi i turizmit si dhe janë krijuar vende të reja pune për qytetarët e kësaj zone”, është shprehur Bjornson. Kurse Bajrush Ymeri, kryetar i Novobërdës, ka thënë se kjo qendër është një mundësi e mirë e zhvillimit të turizmit rural dhe mbrojtjes së bukurive natyrore dhe trashigimisë kulturore.
