Kryetari i Komunës z.Bajrush Ymeri priti në takim përfaqësues nga Ministria e Diasporës,zonj.Shukrije Ramadani Udhëheqëse e Divizionit për Koordinim të Investimeve dhe z.Shani Hamitaga Zyrtar i lartë për Koordinim të Investimeve nga Diaspora
Zonj.Shukrije Ramadani Udhëheqëse e Divizionit për Koordinim të Investimeve, falemnderoi Kryetarin z.Ymeri për mirëpritjen dhe kontributin që po e jepë në këtë drejtim,ku theksoi se nëse do të kemi një zyre të Diasporës në këtë komunë do ti kemi lidhjet shumë më të lehta.Ministria e Diasporës respektivisht Departamenti i Hulumtimeve dhe Përkrahjes së Investimeve,përpos punëve të tjera planifikon të krijoj një databazë të të dhënave për mërgimtarët të cilët ushtrojnë bizneset e tyre në Diasporë dhe të atyre mërgimtarëve që ushtrojnë biznes në Kosovë.Përvojat kanë treguar se çdo bashkëpunim institucional ka efekte të shumëfishta,dhe kësaj radhe po ju drejtohemi për bashkëpunim dhe bashkëveprim të ndërsjellët u shpreh zonj.Ramadani.
Kryetari i Komunës së Novobërdës z.Bajrush Ymeri falemnderoi zyrtaret e Ministrisë për nismën e tyre dhe shprehi gatishmërinë për të kontribuar dhe bashkëpunuar në këtë drejtim për themelimin e kësaj zyre.
Ne edhe këtë vitë mbajtëm takimin tradicional për bashkëatdhetarët tanë.Këtë vitë në bashkëpunim të ngushtë me Ministrinë e mbajtëm një takim të tillë i cili ishte i një rëndësie të veqant.Sa i përket zyrës ne përkrahim iniciativën dhe ju them se jemi në proces të hartimit të rregullores për organizim të brendshëm dhe unë do të propozojë që para se të aprovohet kjo rregullore në organogramin e Komunës të jetë edhe kjo zyrë dhe zyrtari për diasporë.Ne jem mirënjohës për bashkëatdhetarët tanë që jetojnë në diasporë dhe ne si shoqëri duhet të ju kushtojmë një vëmendje të posaçme sepse ata kontribun dhe janë duke kontribuar po ashtu në të gjitha sferat e jetes në Kosovë.Për ne hapja e kësaj zyre do të jetë e mirëseardhur sepse përveq tjerash do të dimë edhe sa njerëz kemi jashtë vendit tonë,të njoftohemi me ta,ta kenë ata një përfaqësues të tyre këtu u shpreh Kryetari Ymeri.
Ndërsa z. Shani Hamitaga Zyrtar i lartë për Koordinim të Investimeve nga Diaspora theksoi se do të ishte një përparësi shumë e mirë për bashkëatdhetarët që ta kenë një përfaqësues të tyre nëpër komuna.Për këtë arsye kishte me qenë mirë që të autorizoni një zyrtarë që do të ketë mbështetjen për veprimet konkret nga ana juaj dhe e jona si Ministri,ku në radhë të parë do të krijohet një bashkëpunim i ndërsjellët dhe do të krijohet një pasqyrë informative e cila do të jetë në të mirë të të gjithëve si Investitorëve,Diasporës ,Komunës dhe Ministrisë.
