Novobërdë

U nënshkrua memorandumi i mirëkuptimit ndërmjet Komunës së Novobërdës dhe Ministrisë së Punëve të Brendshme për transferimin e shërbimit të zjarrëfikësve nga niveli lokal në atë qendror.

U nënshkrua memorandumi i mirëkuptimit ndërmjet Komunës së Novobërdës dhe Ministrisë së Punëve të Brendshme për transferimin e shërbimit të zjarrëfikësve nga niveli lokal në atë qendror.

Kryetari i Komunës së Novobërdës z.Bajrush Ymeri së bashku me stafin e tij pritën sot z.Fadil Kodra,kryeshef i Agjensionit për menaxhim të emergjencave dhe zyrtarë tjerë të ministrisë.Prezent në takim ishte edhe z.Edmond Hyseni nga zyra e OSBE-së në Novobërdë.

Me këtë rast Kryetari i Komunës z.Bajrush Ymeri ka thënë se edhe përkundër vështirësive me te cilat jemi ballafaqur pas zgjerimit të Komunës ne ja kemi dal që edhe situatat e jashtëzakonshme ti përballojmë me më pak pasoja.Numri i zjarrëfikësve përcaktohet në bazë të numrit të popullsisë dhe fatkqeqësisht teritori i komunës është në disproporcion të madh me numrin e banorëve dhe për këtë edhe zjarrëfikësit e kanë të vështirë të operojnë.

Për këtë unë kërkojë nga ministria që ta ketë këtë parasysh dhe ndoshta në një të ardhme të afërt të rrisë numrin e zjarrëfikësve sepse është e pamundur vetëm 9 zjarrëfikës sa ka komuna tani për tani të operojnë në tërë teritorin prej 204 km².

Zjarrëfikësit e Komunës së Novobërdës meritojnë çdo lavdatë sepse vazhdimisht i kanë menaxhuar situatat e vështira me zjarre që i kemi pas viteve të fundit.
 
Unë jam i bindur se kështu do të vazhdojnë edhe tutje dhe që tani shpresojë që nga niveli qendror zjarrëfikësit do të kenë një tretman edhe më të mirë sepse fatkeqësisht ne nuk kemi pas mundësi tu dalim në ndihmë ashtu siq ata e meritojnë për shkakë të buxheti të vogël që e kemi pasur.

Fadil Kodra, kryeshef i Agjensionit për Menaxhim të Emergjencave në MPB ka thënë se me bartjen e këtyre shërbimeve në nivel qendror, mënyra e shërbimit do të jetë më efikase dhe se komunat që janë afër njëra-tjetrës do të ndihmojnë edhe komunat tjera.

Deri në fund të këtij viti menaxhimi i këtij shërbimi mbetet në komunën e Novobërdës sepse marrëveshja parasheh bartjen shërbimit të zjarrëfikësve në nivelin qendror nga 1 janari i vitit të ardhshëm.