Nxënësit e shkollës së mesme vizitojnë komunën, njihen me punët administrative
Nxënësit përfaqësues të Këshillit Rinor të Veprimit, nga Shkolla e Mesme Ekonomike në Bostan, e kanë vizituar komunën tonë ku janë pritur nga kryetari i komunës, z.Bajrush Ymeri dhe Drejtori i Arsimit dhe Kulturës z.Adem Abazi. Në këtë takim nxënësit janë njoftuar me proceset administrative të komunës dhe punën e përditshme institucionale, veçmas atë që ka të bëjë me arsimin.
Kryetari i Komunës, z.Bajrush Ymeri,duke përkrahur këtë nismë të Këshillit Rinor dhe të vetë nxënësve të shkollës së mesme vlerësoi se nismat e tilla janë shumë të mirëpritura për komunën tonë “pasi që të rinjtë tanë njoftohen për së afërmi me punën në komunë, me zbatimin e ligjeve, me proceset tjera që kanë të bëjnë me arsimin dhe rininë”.
Kreu i komunës së Novobërdës i ka njoftuar nxënësit me rrjedhat aktuale siç është procesi e decentralizmit dhe problemet që kanë dalë në terren gjatë këtij procesi, buxhetin e komunës i cili jo gjithmonë është i majftueshëm për të mbuluar të gjitha nevojat tona si dhe për raportet e mira ndërmjet komuniteteve që jetojnë në Novobërdë.
Nxënësit në këtë takim ishin interaktivë dhe kanë shtruar pyetje të ndryshme lidhur me menaxhimin e komunës, problemet që kanë të bëjnë me financimin e projekteve të të rinjve etj. Kryetari Ymeri dhe drejtori Abazi u kanë premtuar nxënësve se të gjitha ato projekte që do të vlerësohen si të rëndësishme për zhvillimin e tyre do të përkrahen nga ana e komunës.
Ndërkaq, Artan Murati Koordinator i Projektit të Organizatës Këshilli Rinor njoftoi zyrtarët e lartë të komunës se së bashku me Care International janë duke implementuar një projekt që ka të bëjë me pushtetin lokal dhe qeverisjen lokale. Në kuadër të këtyre aktiviteteve kjo organizatë ka mbajtur katër ligjërata dy trajnime dhe një seminar. Pjesë ë rëndësishme e këtyre aktiviteteve ka qenë mësimi i nxënësve sesi të shkruhet një projekt propozim.
/2.jpg.aspx)
/3.jpg.aspx)
