Kryetari i Komunës z.Bajrush Ymeri së bashku me organin mbikqyrës të caktuar nga komuna z.Xhevat Mehmeti dhe me organin monitorues dhe përfaqësues të Komisionit Europian z.Enton Dimni,me kontraktorin e punimeve si dhe Drejtorin e shkollës inspektuan punimet që po zhvillohen për ndërtimin e shkollës së re në fshatin Pasjak.
Kryetari nga afër dëshiroi të njoftohet nga të gjithë për mbarëvajtjen e punimeve në mënyrë që shkolla të përfundojë sipas standardeve dhe planit dinamik.
Me punimet të cilat janë duke u zhvilluar si për ndërtimin e shkollës e po ashtu edhe sallës së edukatës fizike të gjithë u ndanë të kënaqur sepse puna ishte duke u bërë e kualitetit të lartë.
Me këtë rast u dhanë disa sygjerime edhe për punëkryesin në mënyrë që të ndërmerr edhe disa masa shtesë për sigurimin e vendpunishtes në mënyrë që siguria e nxënësve të cilët lëvizin aty afër të jetë në nivelin më të lartë.
Ndryshe,ndërtimi i kësaj shkolle ka filluar para disa disa ditëve dhe është projekt i përbashkët nga Komuna,MAPL-ja dhe Komisioni Evropian ndërsa mjetet financiare janë ndarë nga Komisioni Evropian nga projekti IPA.
