Kryetari i Komunës z.Bajrush Ymeri së bashku me Drejtorin per gjeodezi dhe pronë z.Xhevat Mehmeti me kërkesën e qytetarëve ishin sot në lagjen e re të fsh.Pasjak.
Gjatë këtijë takimi Kryetari Ymeri ndëgjoi me vëmendje shqetësimet e banorëve që kryesisht kishin të bënin me qështje të decentralizimit dhe infrastrukturës.
Kryetari i njoftoi qytetarët se edhe ai nuk është i kënaqur me procesin e decentralizimit sepse edhe atehere kur ju keni nënshkruar peticion kundër decentralizimit,edhe ai ka qenë nënshkrues i këtij peticioni.Në vazhdim kryetari Ymeri tha ,,Me këtë proces të gjithë ne kemi qenë viktimë sepse kemi marrë teritor shumë dhe po ashtu fatkeqësisht të pa investuar.Prandaj ne kërkojmë mirëkuptimin e juaj sepse qështjet që juve ju mundojnë me vite ne nuk mund ti zgjidhim shpejt.Ja psh.Ju sa afër qytetit jetoni dhe ende nuk i keni problemet infrastrukturore të zgjidhura.Ju flisni se nuk keni rrugë të asfaltuar, ujësjellës,vend për varreza, shtylla të rrjetit elektrik.Ne gjatë vitit të kaluar asfaltuam një rrugë,këtë vitë rregulluam kanalizimin per ju dhe po ashtu ditëve në vazhdim do të përcaktojmë lokacionin për varreza dhe po ashtu do të bëjmë edhe një shpim për ujësjellës,ndërsa në pranverën e vitit 2012 do të asfaltojmë edhe këto dy pjesë të rrugës”.
Kryetari po ashtu i njoftoi banorët se ne edhe përkundër bugjetit të vogël që e kemi ne po bëjmë punë të mëdha dhe kështu po tregojmë përkushtimin tonë për qytetarët tanë.
,,Unë do të jem gjithmon pranë jush si kam vepruar edhe ne periudhat e veshtira të popullit shqiptar ashtu do të jem edhe tani sepse kështu jam mësuar të jem afër qytetarëve dhe nuk di ndryshe”tha kryetari Ymeri.
Kryetari po ashtu ju premtojë qytetarëve të pa kënaqur me procesin e decentralizimit që kur të vie koha e rishikimit të këtijë procesi do të jetë në ballë të kërkesave të tyre për ndryshim të gjendjes por sa kohë që do të janë banorë të kësaj komune do të kujdesemi për ju.
Banorët u ndanë të kënaqur me premtimet dhe fjalët e kryetarit dhe po ashtu falemnderuan kryetarin për kohën që ka ndarë që ti vizitojë dhe që po bashkëbisedon për ti zgjidhur këto problem me të cilat ballafaqohen sot ata.
