Në kuadër të projektit: “Përkrahja në shkëmbimin e përvojave më të mira me zyrtarët e të njëjtit nivel”, projekt i cili mbështetet nga zyra Regionale e OSBE-së në Gjilan ,zyrtarë nga komunat e Kaçanikut dhe Novobërdos vizituan sot komunën e Hanit të Elezit.
Zyrtarërt nga komunat musafire së pari u takuan me Kryesuesin e Kuvendit të Komunës së Hanit të Elezit z, Menduh Vlashi i cili në pika të shkurta i njoftoi me punën e asamblesë komunale .
Kryesuesi i kuvendit z. Vlashi , tha se asamblenë komunale të Hanit të Elezit gjatë këtyre viteve e ka karakterizuar një frymë e mire e punës dhe bashkëpunimit .Sa i përket aspekteve teknike të përgatitjes së seancave të kuvendit , ai tha se njoftimet për seancat e kuvendit si dhe të gjitha materialet e nevojshme këshilltarëve iu dorzohen me kohë dhe se në vazhdimësi jemi përpjekur që ti respektojmë afatet Ligjore lidhur me organizimin e sencave të kuvendit. Janë funksionale të gjitha komitetet obligative dhe ato konsultative.
Gjatë ditës zyrtarët nga komunat e Kaçanikut dhe Novobërdës i priti edhe kryetari i komunës Rufki Suma. Ai i njoftoi musafirët mbi rrjedhat e përgjithëshme në komunën e Hanit të Elezit.
Kryetari Suma tha se komuna e Hanit të Elezit si komunë e re në vazhdimësi ka pasur nevojë për përvojën dhe përkrahjen e komunave tjera.Përkrahjen më të madhe dhe të pakursyeshme e këmi gjetur të kolegët nga komuna e Kaçanikut për të cilën shfrytëzojë rastin që të ju falënderohem .
Zyrtarët nga komunat e Kaçanikut dhe Novobërdës gjatë ditës vizituan edhe zyrët e punës së administrates së komunës së Hanit të Elezit.Kjo vizitë është pranuar shumë mirë nga pjesëmarrësit, si mundësi që të mësojnë shumë nga njëri-tjetri, përmes shkëmbimit të përvojave më të mira.
