Më 8 Nëntor 2007, Asambleja e Përgjithshme e Kombeve të Bashkuara ka vendosur të vëzhgojë 15 shtatorin çdo vit, si Dita Ndërkombëtare e Demokratizimit.
Me mbështetjen e Misionit të OSBE-së në Kosovë, çdo Komunë në rajon ka organizuar aktivitete të ndryshme për shënimin e ditës së demokratizimit, me motiv "Demokracia dhe Rinia".
Komuna e Novobërdës më 16 Shtator 2010, shënoi ditën ndërkombëtare të demokratizimit me aktivitetin e titulluar: "Dita e dyerve të hapura",
Kryetari i Komunës, z.Bajrush Ymeri pranoi një grup të rinjësh të shkollave të mesme nga komunitetet e ndryshme qe jetojnë dhe veprojnë në Komunën e Novobërdës.
Ai theksoi që është nevojë e vazhdueshme të promovohet demokratizimi, dhe falënderoi OSBE-në për përkrahje të tilla për ngritjen e transparencës në Komunë.
Gjatë këtij aktiviteti, Kryetari i Komunës prezantoi punën e tij, strukturën Komunale, punën dhe përgjegjësitë e ekzekutivit dhe legjislativit të Komunës, si dhe i njoftoi të rinjtë me punën e Drejtorëve dhe zyrtarëve komunal duke i vizituar ata në zyret e tyre.
Kryetari i Komunës, z.Bajrush Ymeri gjithashtu, prezantoi edhe punën e Kuvendit Komunal dhe strukturën e saj. Aktiviteti u përmbyll me një koktej, ku të rinjtë patën mundësinë qe të njoftohen më mirë me zyrtarët e Komunës.
